Jamita Kebaktian Sektor Minggu ke-1 Bulan Juni 2010

Turpuk Jamita: Ruth 1:1-6

Oleh: Pdt. S.J. Lumbangaol, S.Th

Barita taringot tu si Rut on barita na tutu masa do on uju i di zaman ni angka panguhum,ima dunghon disoluk/dikuasai halak Israel sepenuhnya tano Kanan (zaman ni angka panguhum on antara  taon 1300 – 1050 BC). Di zaman  ni angka panguhum on, tardok mansai sulit jala keras do situasi kondisi ombas i, mardomu ma i tu angka gangguan keamanan dohot paraloan na so marnamontok na diadopi halak Israel sian angka bangso na humaliang. Panghorhon ni keadaan  na songon i, ditambai  muse dohot factor-faktor na asing mambahen lam tu maolna jala tu susana parngoluon. Dipaboa disi, masa ma haleon potir (kelaparan) secara merata di tano Kanan (Israel). Akibat ni  haleon potir i gabe memaksa sada keluarga Israel  maninggalhon hutana bungkas  tu tano Moab.

Dipabaoa do lengkap goar ni keluarga na bungkas i, ima keluarga Elimelek-Naomi dohot dua anakhonna: Malon dohot Kilyon. Tumangkas dipaboa muse na  halak/penduduk  Epratai sian huta Bet-Lehem Juda do nasida. Dipaboa i laho patoranghon do na sian pomparan ni marga Juda do haroroan ni keluarga on. Haputusan maninggalhon kampung halaman, bungkas tu tano sileban Moab, sasintongna haputusan na sangat berani do i.  I do haputusan  na dumenggan hatiha i di roha ni keluarga Elimelek, beha ma nian asa tongtong boi mangolu keluarga i, tuk sipanganon dohot siinumon, tung pe  ingkon luluan i di luat ni halak sileban. Tontu dihirim keluarga Elimelek on do dumenggan parngoluon nasida  dung maringan di tano Moab.

Songon nidok ni parpoda i: ”Roha ni jolma marsangkap dalanna, alai Jahowa do patontu langkana” (Poda 10:9). Sangkap ni keluarga Elimelek umbaen bungkas laho mangalului ngolu na dumenggan do. Hape dung sadia leleng keluarga i maringan di Moab, mate ma si Elimelek amanta i. Tading ma si Naomi raphon anakna na dua i. Lungun do i, ingkon di tano ni na leban ma hape mate si Elimelek, so manang matua dope ibana. Tung ina na burju  jala na benget do si Naomi on, margogo mamparjuangkon anakna na dua i sahat tu na pangolihonsa muse tu boru ni halak Moab na margoar si Orpa dohot si Rut. Las ni roha na balga do i di keluarga i. Ai tagamon ma sian perkawinan i keturunan na  manorushon sundut  na mangihut. Hape suhar ni na hinirim i do songgop tu si Naomi. Mate ma anakna na dua i so sanga adong keturunanna. Punjung ma sasada si Naomi. Tragis do peristiwa i. Molo di tradisi habatahon digoari ma i na punu. Mansohot ma disi tarombo. Sidangolon na   balga do i na jolo molo mate tarombona.

Di roha ni si Naomi,ndang mungkin inganhononna be di tano Moab. Laos mardomu ma i muse tu tanggungjawab memenuhi  kebutuhan hidupna dohot parumaenna na dua i. Bersamaan dengan penderitaan i  tarbege ma barita sihalashonon ni roha, paboa nunga marpangulahi roha ni Debata, mangalehon sipanganon tu halak Israel. Nunga tiur pansarian nasida, tu dengganna nang parngoluon siganup ari. Alani i tumingkos nama mulak tu tano Israel, tu kampung halaman,mandapoton sisolhot, dongan samarga,dongan sa bangso. Laos ditogihon si Naomi ma parumaenna na dua i raphon ibana tu Israel,ala tanggung jawabna dope i, jala nang pe halak Moab parumaenna  i sah do  i keluarga Elimelek halak Israel. Selanjutna tajaha do baritana, mulak do si Orpa tu natorasna, alai ianggo si Ruth diihuthon do si Naomi  simatuana i.

Hahonaan ni turpuk:

    • Sasintongna barita ni si Elimelek on gabe mamboan las ni roha do di angka ari na mangihut. Dung mulak si Naomi dohot si Rut, basar do si Boas dongan samarga ni si Elimelek, halak na mora di Betelehem, manarihon nasida. Di ujungna dibuat si Boas ma si Rut boru Moab sileban i gabe ripena. Keturunanna ma si Obed – si Isai (Jese) – Si David (Daud) ——- dan seterusnya sahat tu si Josep – sahat tu Tuhan Jesus. Di mulana begeon tragis jala dangol do barita i, alai di ujungna manghorhon las ni roha do. Songon i ma Debata mangatur pardalan ni ngolunta be. “Pasahat ma dalanmu tu Jahowa jala haposi Ibana,asa Ibana paturehon…………”.
    • Ndang boi hita mangatur jala manontuhon arah ni ngolunta, ai guru di Debata do hita. Molo tabolus na maol, sikapi dengan cerdas, unang emosional, bersabarlah. Molo tadai na tabo, bersyukurlah pada Tuhan. Hansit nuaeng, alai molo benget manaon di ujungna pasti mandai las ni roha. Habengeton ni si Naomi dohot kesetiaan ni si Rut, bahen tiruan ma i di hita be, atehe ?
    About these ads

    Leave a Reply

    Please log in using one of these methods to post your comment:

    WordPress.com Logo

    You are commenting using your WordPress.com account. Log Out / Change )

    Twitter picture

    You are commenting using your Twitter account. Log Out / Change )

    Facebook photo

    You are commenting using your Facebook account. Log Out / Change )

    Google+ photo

    You are commenting using your Google+ account. Log Out / Change )

    Connecting to %s

    Follow

    Get every new post delivered to your Inbox.

    %d bloggers like this: