Jamita Kebaktian Sektor Minggu ke-1 Bulan Juli 2010

Poda 23:1-8

Oleh: Pdt. S.J. Lumban Gaol, S.Th

Dung bangkit raja si Salomo manggonti amana raja Daud,ndang dipangido ibana sian Debata hamoraon, huaso na balga, hosa ni musuna ,habonggalon dohot ganjang ni umur. Umbege pangidoanna i lomo ma roha ni Debata di ibana. Gabe dilehon ma roha bisuk, hapistaran dohot hapantason. Dilehon do nang hamoraon dohot hamuliaon atik pe ndang dohot dipangido raja Salomo i. Dipatuduhon raja i do basabasa hapistaran na jinalona i marhite na patupahon pangajarion, pamodaion tu angka anak ni bangsona Israel asa gabe bangso na maju jala marbungaran  bangso i  muse.

Godang jala marragam do rumang ni poda pangajaran  dilehon raja Salomo ,tarmasuk ma  angka na marhahonaan tu pembangunan karakter,moral,etik. Ai molo denggan karakter,moral dohot etika ni bangso i,boi ma gabe bangso na gogo jala na jaya ma nasida muse. Turpuk on,ima poda sipaingot taringot tu hahormaton (sopan santun), pangontihon (menahan selera/niat), dohot mamompom hagiot (menekan nafsu/keinginan). Na parjolo, domu tu hahormaton (ay.1-3): Sada halak na berstatus warga biasa, rap hundul marsipangannon  dohot sada raja na sangap. Kebanggaan besar do i nian, alai patut do kenal  diri ibana disi songon warga biasa. Suasana i mangido ingkon  marhahormaton.Alani i ingkon bersikap hormat ma,unang dipatudu disi perilaku rendahan. Diingothon !  Nang pe jamuan i terkesan mewah jala megah, songon warga biasa unang pola dihapiani i. Diboto ma na so mampu dirina hidup mewah sisongon i. Ai pangapianon i boi do parohon hasesega muse molo sai tusi roha.

Na paduahon,domu tu pangontihon (ay.4-5): Hal na wajar do marsintahon asa mamora (berniat untuk menjadi kaya). Asa saut mamora tontu ingkon ringgas do mulaulaon . Alai diingot ma ! Di na mangeahi hamoraon i asa dijagahon  dirina, unang diparenge ulaonna. Ai niat na palobihu naeng hatop mamora,gabe dipaksahon dirina mulaulaon lobi sian gogona,pasti do mara panghorhonna. Mangatasi i: sai unang  lao matana mangaranapi halinu ni hamoraon na so tardungdungsa dope. Denggan ma diontik gogona, dietong  nang haboionna =(kemampuanna). Padiar ma mardalan ngoluna hombar tu apa adanya, diradoti ma ulaonna sipari ,alai huhut ma manghirim lehonon ni Debata ngolu na dumenggan di tingkina muse.

Na patoluhon,domu tu pamompomon hagiot (ay.6-8): Molo adong na mangalehon sipanganon,tontu laho panganon ma i. Alai ndang sude sipanganon i na patut panganon.Berengon do ise na mangalehonsa.Sipanganon ni halak na murhing marpanaili (=orang kikir) sipasidingon do i. Pompomon do hagiot manganhon i tung pe mansai tabo daina.Tung sura pe didok: “Silahkan makan dan minum !”,hape rohana dao do (=tidak tulus hati). Ai molo dung sanga pinangan sipanganon ni halak na kikir ,hape binoto ma na so ias rohana mangalehonsa,ingkon utahononhon ma i muse, ai nunga gabe gasip panghorhonna.Alani i ringkot jamot,gogo mamompom hagiot.Buktikan  na so hagiot/nafsu i mangarajai diriniba.

Panimpuli:

Sipaingot do on tu ganup halak asa ditopa dirina gabe jolma na marhahormaton (terhormat), berharga diri, bermartabat.  Diguruhon ma moral (parange na denggan) dohot etike (sopan santun), burju mar-Tuhan. Molo pe sasahalak i toru kelas sosialna,unang laos toru dohot nilai ni hajolmaonna. Ingkon  boi ibana gabe halak na mamora  di parsaoran tu na sangap nang tu na jelata. Malo mengendalikan diri, bijak mamereng angka pangalaho. Kwalitas diri tarida do i sian nilai moral,etik dohot iman .