Jamita Kebaktian Sektor Minggu ke-2 Bulan July 2010

2 Petrus 2:10 -15

oleh: Pdt. S.J. Lumban Gaol, STh

Molo  tajaha Surat  1 Petrus , tangkas do hasahatanna ima  angka huria na di Asia na metmet (Asia Kecil). Isina mangarahon angka halak Kristen na manjaha surat on asa hot  marhaporseaon,benget jala sabar  mangadopi penderitaan . Ia Surat 2 Petrus na sinurat ni Ap.Petrus on, ndang apala tangkas dipaboa tu ise ditujuhon. Holan on do didok :”……mandapothon angka naung manjalo haporseaon na arga rap dohot hami…. “(1:1). Lapatananna, hira rumang sijahaon na bersifat umum do.  Isina: mangondolhon asa tongtong togu marsitiopan angka siihuthon Kristus tu poda dohot panindangion ni angka panurirang dohot apostel. Boasa diondolhon ap.Petrus i ? Ala nunga mulai tarida  mullop angka parpoda haliluon  (= nabi-nabi palsu dan guru-guru palsu). Gencar do nasida manghatahon hata sipaototo, manginsahi barita na uli i, manoadahon panobuson ni Tuhan Jesus.

Dipajamot ap.Petrus do angka halak Kristen na manjaha surat on, asa  waspada. Ringkot  parateatehonon nasida  songon  dia roa  ni parrohaon dohot jahat ni pangalaho  ni angka parpoda haliluon on laho manegai haporseaon, manggugai  parsaoran dohot mamola (=memecah belah) hasadaon ni huria i. Nonor do i didaftar apostel dison ima, ay.10 :  Paolooloi sibuk (=menuruti hawa nafsu), mangula hahisapon (=mencemarkan diri), hu rohana mida panggogomion (=menghina pemerintahan Allah), garang jala tois (=berani dan angkuh), ndang mabiar manginsahi hasangapon (=tak segan-segan menghujat kemuliaan  Tuhan). Jelasna lomo ni roha ni sibolis dohot hagiot ni daging do na ingkon ulahononna . Merasa do muse angka pargapgap on benar, punya kuasa dohot kekuatan umbaen barani nasida manabur fitnah dohot manguhumi . Hira lobi sian surusuruan ni Debata nasida dietong. Hape gari surusuruan tahe ndang olo menghujat atik pe dao sumurung hadirionna sebagai makhluk sorga sian jolma ( ay.11 ). I ma timbona keangkuhan ni pargapgap on.

Ianggo di mata ni apostel Petrus, songon binatang na so marroha (=hewan yang tidak berakal ) do parpoda haliluon on. Tingkos do i ! Aha ma tutu manfaat na denggan sipararon sian binatang na  “so marroha”?  Goarna pe binatang (hewan), so holan sitangkupon jala sibunuon do i. Alai ndang tau diri pargapgap on umbaen sai doras manginsahi  barita na uli dohot huria ni Kristus i, ndang diboto na  gabe hamamagona do i (ay.12). Bangko manang sifat ni jolma na berperilaku songon binatang na so marroha ima, ay.13-15: Margadombus (=berfoya-foya), hodar (= kotor ), hagigian (=penuh noda), hisap (=penuh hawa nafsu), gok pangalangkupon (=penuh nafsu zinah),ndang mansadi mardosa (=tak jemujemu berbuat dosa), girgir mangellemellem roha ni na hurang togu (=memikat hati yang lemah), gok pangahution (=serakah). Sandok  angka anak jea  (=orang-orang terkutuk) do panurirang pargapgap on, manadinghon dalan na tigor, lilu songon si Bileam na sanga manjalo upa mangulahon hageduhon (=perbuatan jahat). Angka i ma  tabiat buruk ni sihasogohon barita na uli. Sijagahononhon ma i dohot sikap na tegas  palaohon i.

Panimpuli:

• Sai mullop do angka pargapgap  di ganup partingkian. Songon nidok ni apostel on di 1 Pet.5:8 :”Na maotaot do alomuna sibolis i songon babiat (=binatang) na marauang mangalului sibondutonna….”. Dipaboa apostel i do pangalaho ni pargapgap i songon binatang na so marroha. Taida do sai jumpang pangalaho sisongon i  nang nuaeng. Tontu ndang songon i hita. Dao ma i. Jolma na marroha do hita. Alani i torang ma rohanta ! Hot ma hita tongtong di Jesus Kristus saleleng  mangolu  di tano on.