Psalm 49:2-14
Oleh: Pdt. S.J. Lumban Gaol, STh
Digoari do turpuk on Ende sian angka anak ni si Kora . Si Kora ima sada sian angka malim na marhalado di bagasan joro ni Debata. Angka anak ni si Kora pe dohot do gabe parhobas . Diaturhon jala disagi si David do angka parhobas hombar tu bidangna be laho mangaradoti di bagasjoro. Adong do i na khusus mangaradoti parhinaloan dohot parendeon songon angka anak ni si Kora on. Tontu na malo do angka anak ni si Kora on mamalu parhinaloan dohot patomutomu ende. Godang do taida di buku Psalmen on : “Ende sian angka anak ni si Kora “, ima : Psl.42 – 49 , Ps .84-85. Ende on ndang holan sekedar ende sambing. Alai ende na marisi poda dohot sipaingot do on.
Ende sipodaon on ditujuhon tu saluhut pangisi ni tano on. Secara umum didok disi : Tu sude bangso,tu sude pangisi ni hasiangan on,tu situan natorop. Lapatanna, poda on gabe etika-moral global ma on, na patut radotan ni sude jolma tanpa kecuali. Secara khusus muse didok disi : Tu angka na raja (=para bangsawan yang mulia), na mora dohot na pogos.Lapatanna ,hal etika-moral on ndang mamereng kelas manang status social ni sada-sada halak. Sangap manang lea,mora manang pogos , pangalahona dohot parangena do pataridahon dirina. I do patokan nilai kepribadian atau martabat seseorang.
Angka hata poda habisuhon dohot hapistaran do na pinapatar ni parpesalmen on. Songon dia ma i? Tahuton do parpeslmn on mamereng hajengkelon ni angka pangarupa/parjahat na sai martahi mangago (mencelakai) donganna jolma. Ise ma angka pangarupa i? Ima halak na materialisme,na martondi hepeng manang arta ,na marhaposan tu sinamot jala manghaginjanghon hinagodang ni hamoraonna (ay.7). Di halak na materialisme,kekayaan material adalah segalagalanya. Hape ndang diboto halak on so na boi sinamot i, beha pe godangna,laho paluahon dirina manang bahen partobus ni tondina tu Debata (ay.8-9). So na boi artana i ,beha pe suksukna, laho paganjang ariarina manang mangolu salelenglelengna di tano on. Ndang ! Ingkon mate do ibana,ingkon idaonna do tanoman (ay.10). Jala sude jolma do ingkon mate,tidak terkecuali : na sangap dohot na lea,na mora dohot na pogos,na bisuk dohot na londongon. Ganup manadingkon ugasanna be gabe di na asing (=org. lain, ay.11).
Atik pe naung diboto jolma i hatontuan, paboa na martingki be do luhutna na tinompa,alai rohana dibagasan (tarlobi na mora) manginginhon pengecualian. Di rohana salelenglelengna ma nian haadongonna i: bagasna, tanona marsundutsundut,nasa golat(=ladang)atas goarna. Sandok tung lomo-lomo ni rohana ma nian terpenuhi. Hape ndang diantusi na so mangulon jolma di hadoharonna.Lapatanna,ndang adong na hot. Di tingkina rage do i muse songon pinahan. Didok parpsalmen on, jolma sisongon i ima jolma na mangasahon haootoonna (ay.13-14). Songon i ma pangalaho ni halak na marhaposan tu arta tano on.
Panimpuli :
- Hagabeon,hamaoraon,hasangapon dohot sude haadongon i,basabasa ni Debata do i rajuman.Binsan di loas hita mangolu,tadai jala tanikmati ma i dibagasan roha mauliate.Alai taingot ! Salpu do sude.Ndang adong hadoharon na manongtong.
- Tuhan Jesus mandok: Ndang adong gunana nang liat portibi on taomo,anggo mago do tondinta. Ndang adong na boi tarlehon jolma bahen tobus ni tondina (Mat.16:26). Antong, tapapungu ma arta di banuaginjang marhite na marhaposan tu Debata.Porsea di Tuhan Jesus Partobus.Unduk tu pangajarion ni Tondi Parbadia.
Filed under: Kebaktian Sektor |
Leave a comment