Jamita Kebaktian Sektor Minggu ke-4 Bulan July 2010

2 Musa  23 : 6 – 9

oleh Pdt. S.J. Lumban Gaol, STh

Manusia na primitip hian do jolma i na jolo. Alai nanget-nanget masa ma proses perobahan  ala  lam pistar jolma i marpingkir dohot marroha. Songon i ma satorusna sejarah peradaban manusia mengalami perkembangan na lam tu majuna hombar tu zamanna. Peradaban Mesir kuno nunga adong hira-hira di taon 3000 BC. Zaman Musa hira-hira di  taon 1400 atau 1350 BC. Dung ruar halak Israel sian Misir, tugas na parjolo di si Musa ima, membentuk halak Israel,ndang sekedar kumpulan besar etnis, alai asa  gabe sada bangso do, na berdiri sendiri, berdaulat, mapan dan kuat. Tutu ulaon na maol jala na dokdok do i, alai sebagai pemimpin atau “founding father”, ingkon marusaha do si Musa mewujudkan i . Ala Debata do mamillit Israel gabe bangsoNa, umbaen dilehon Debata Patik i tu si Musa sipasahatonna tu halak Israel. Patik i  ma na gabe dasar, azas, alas, fundasi di dalam pembentukan berdirinya satu bangsa yang berdaulat. Tanpa i mustahil halak Israel  boi jongjong gabe sada bangso. Asa hombar tu Patik i ma bangso i mardalan dohot manggulmit.

Ndang holan Patik ( = hukum, titah ) na sampulu i dilehon Debata tu si Musa. Tamba ni i dilehon do muse angka patik na marragam, ima: tona, aturan, uhum, ruhut dohot sipaingot, laho melengkapi Patik na utama i ima Patik Na Sampulu i. Singkop do Patik i dibahen Debata, tinggal mangulahon dohot mangaradoti nama halak Israel. Na tajaha di turpuk on sada bagian na metmet do on sian keseluruhan patik i. Khusus na mardomu tu hagostongon ( = peraturan tentang hak azasi manusia ) do on. Adong lima araturan  siradotan nasida . Na parjolo ay.6 : Unang mangiling uhum ( = memperkosa hak ) ni halak na pogos. Sifat umum ni hajolmaon do ( na merasa timbo kelas sosialna ) memandang rendah tu halak na pogos/metmet. Sai unang ma masa pelecehan sosial sisongon i di parbangsoon. Parpoda mandok, na mangaleai Debata do manang ise na mangarupa na parir ( Pod.14:31 ). Baliksa tahe ingkon pasalion do na pogos i ( Pod.19:21 ). I do pelayanan diakoni. Na paduahon ay.7a : Asa paholang diri sian hata gapgap ( = dusta ). Manaburhon hata gapgap pasti  patubu  parsalisian, parohon hagaoron jala manegai parsaoran dohot hademahon. Ganup halak Israel asa bertanggungjawab menciptakan suasana rukun dan damai. Na patoluhon ay.7b : Unang mamunu halak na lidang ( = tak bersalah ) dohot na tigor( = yang benar ). Jolma na lidang jala tigor sai hata na sintong  do  hatahonon ni i. Barani pasingothon dohot maminsang pangalaho na sala dohot na geduk, dohot maksud asa tongtong tarjaga suasana na marhademahon. Mamunu halak na lidang dohot na tigor doshon na mangintopi hatiuron do i paloas hagolapon. Sai unang masa i di  tongatonga ni Israel. Na paopathon ay.8 : Unang manjalo silehonlehon ( = suap ). Suap / sogok boi do mambahen  mata  na tonggor hian gabe mapitung dohot parhataan na tigor hian gabe peol. I do sada jea na balga na manegai angka parkaro di paruhuman, na aturan pajongjonghon uhum na tingkos,jujur dohot adil, hape gabe sabalikna  na tarjadi. Patut do didok: “ Ai urat ni nasa hajahaton do roha na holongan di hepeng ” ( 1 tim.6:10a ). Na palimahon ay.9 : Unang manghilang halak dagang ( = menekan orang asing ). Ingkon rajuman do angka halak dagang na ro maisolat tu luat ni Israel songon dongan sesama na setara di jolo ni Debata. Ndang etongon i warga kelas dua, alani i gabe ditekan/ditindos. Molo ditindos halak Misir pe najolo halak Israel ala halak dagang nasida, ndang gabe tiruon i. Dao ma diskriminasi sosial di bangso ni Debata.

Panimpulina:

• Na songon handang do patik i laho manjaga dohot mangaramoti warga Israel, asa hidup tertib jala taratur. Molo burju mangaradotisa dohot mangulahonsa, marhasonangan ma ngolu nasida bahenon ni Debata. Tutu ma  nasida targoar bangso ni Debata Jahowa.
• Angka patik, uhum, aturan na di turpuk on tongtong do relevan ( = ampit ) i sahat tu nuaeng. Taida do sai masa  dope pemerkosaan hak ni na pogos,dusta, ketimpangan hukum dohot ketidakadilan, suap/sogok, diskriminasi sosial, dohot lan na asing perilaku melawan hukum. Angka ise ma pelaku ni i ? Ima angka halak na sai marroha diri ,na so parduli tu sesama, na so manghalomohon kedamaian umum.
• Songon halak Kristen na pinalua ni Jesus Kristus, bangso ni Debata, huhut sebagai warga negara yang baik, dipasunggulhon turpuk on tu hita asa sai tongtong hita burju mangaradoti sude patik, uhum, ruhut, aturan na adong i asa marhasonangan ngolunta. Dao ma sian bangsonta dohot sian hurianta sialo patik.