Jamita Kebaktian Sektor Minggu Ke-1 Bulan April 2010

Download file format .doc Jamita Kebaktian Sektor Minggu Ke-1 April 2010

Oleh: Bapak Pdt. S. J. Lumbangaol, S.Th

(Versi Bhs Batak Toba)

Minggu Ke-1 April 2010
Turpuk Jamita: Psalm 8:3-7
Hatorangana:

Godang do sian angka ende na di buku Psalm on na pinatomutomu ni si David. Borhat sian pengalaman, panandaon, pangarajumion dohot pangongkuon na tangkas do umbaen digurithon ibana angka ende on. Ndada diri ni si David na dipaboaboa disi, tung Debata do dohot angka pambahenanNa na denggan i. Mansai balga jala timbo do pemujaan ni si David tu Debata. Holan Tuhan Jahowa do na sumangap, na tumimbul jala na marmulia situtu di sandok alam semesta on. Alani i tama ingkon pasangapon ni portibi on dohot sude pangisina Tuhan Debata Jahowa.

Sangap, timbul huhut marmulia do Debata. I do hadirionNa. Alai adong do angka na marhuaso di tano on na merasa dirina na gogo, na sangap, na bonggal, alani gabe ndang dipasangap be Debata. Perasaan diri na songon i doshon na mansoadahon kemahakuasaan ni Debata do i. Akibatna tubu ma roha haginjangon, roha pangaloon tu Debata dohot tahi-tahi na jahat. Angka parroha na jahat sisongon i, paonjapon ni Debata do i. Pamangan ni angka dakdanak dohot angka poso-poso (na so margogo manang na so margello secara pisik), dijadihon jala dipangke Debata gabe songon paranganNa manindangi mamujimuji dohot pasangaphon Ibana (ayat 2). Tajaha huhut Mat. 21:16 ”…………Soara ni angka dakdanak dohot posoposo dipature Ho gabe pujipujian.”).

Debata na mahakuasa do Debata Jahowa.Tarida do i sian angka jadijadianNa na balga i di parlangitan dohot di tano on. Halongangan bolon do saluhutna i (ayat 3). Jolma do mahkota ciptaan sian sude na tinompa ni Debata.Alai ndang tarbandingkon diri ni Debata na Mahakuasa i tu jolma i. I do umbaen didok parpesalm on: “Tung aha ma nian jolma i umbaen pola ditaringoti roham ibana?” (ayat 4). Tutu sian sude jadijadian ni Debata, holan jolma do na ditompa tumiru rupaNa, tudos tu pangalahoNa (ayat 6). Jala tu jolma do dilehon huaso mangarajai pangisi ni tano on (ayat 7 & 1 Musa 1:28). Alai dirotaki jolma i do rupana i ala ni dosa. Hape olo Debata mangebati (mengindahkan, ayat 5). Ditalitalihon dope muse hamuliaon dohot hatongamon (kemuliaan dan hormat). Lapatanna asa sumuang muse rupa ni Debata na marmulia jala na marhatongamon i di diri ni jolma I (ayat 6). I ma burju dohot lambas ni roha ni Debata Parholong jala Parasiroha i.

Hahonaan ni turpuk:

• Goar ni Minggu: Quasimodogeniti (Songon posoposo). Didok Jesus: ”Molo so mulak rohamu songon dakdanak, ndang habongotan hamu harajaon banuaginjang i”. Asa ias, bulus, tulus rohanta beribadah mamuji pasangap Tuhanta.
• Molo dipasuang Debata muse rupanta marmulia jala tongam,ala asi dohot lambas ni rohaNa do i tu hita. Marolopolop ma tondinta disi. Alani, unduk ma hita mangoloi HataNa.
• Topik Minggu: taradoti ma patikNa/hataNa. Ndang be songon jolma na parjolo i, gabe talaosi muse patik ni Tuhan i.

Download file format .doc Jamita Kebaktian Sektor Minggu Ke-1 April 2010

<!–[if !mso]> <! st1\:*{behavior:url(#ieooui) } –>

Psalm 8:3-7

Pdt. S.J. Lumban Gaol, STh

1. Godang do sian angka ende na di buku Psalm on na pinatomutomu ni si David. Borhat sian pengalaman, panandaon, pangarajumion dohot pangongkuon na tangkas do umbaen digurithon ibana angka ende on. Ndada diri ni si David na dipaboaboa disi, tung Debata do dohot angka pambahenanNa na denggan i. Mansai balga jala timbo do pemujaan ni si David tu Debata.Holan Tuhan Jahowa do na sumangap,na tumimbul jala na marmulia situtu di sandok alam semesta on.Alani i tama ingkon pasangapon ni portibi on dohot sude pangisina Tuhan Debata Jahowa .

2. Sangap ,timbul huhut marmulia do Debata.I do hadirion-Na.Alai adong do angka na marhuaso di tano on na merasa dirina na gogo, na sangap, na bonggal, alani gabe ndang dipasangap be Debata.Perasaan diri na songon i doshon na mansoadahon kemahakuasaan ni Debata do i. Akibatna tubu ma roha haginjangon, roha pangaloon tu Debata dohot tahi-tahi na jahat. Angka parroha na jahat sisongon i, paonjapon ni Debata do i. Pamangan ni angka dakdanak dohot angka poso-poso ( = na so margogo manang na so margello secara pisik), dijadihon jala dipangke Debata gabe songon paranganNa manindangi mamujimuji dohot pasangaphon Ibana (ay. 2). Tajaha huhut Mat. 21:16 ”…………Soara ni angka dakdanak dohot posoposo dipature Ho gabe pujipujian”).

3. Debata na mahakuasa do Debata Jahowa.Tarida do i sian angka jadijadianNa na balga i di parlangitan dohot di tano on. Halongangan bolon do saluhutna i (ayat 3). Jolma do mahkota ciptaan sian sude na tinompa ni Debata.Alai ndang tarbandingkon diri ni Debata na Mahakuasa i tu jolma i. I do umbaen didok parpesalm on: “Tung aha ma nian jolma i umbaen pola ditaringoti roham ibana?” (ayat 4). Tutu sian sude jadijadian ni Debata, holan jolma do na ditompa tumiru rupaNa, tudos tu pangalahoNa (ayat 6). Jala tu jolma do dilehon huaso mangarajai pangisi ni tano on (ayat 7 & 1 Musa 1:28). Alai dirotaki jolma i do rupana i ala ni dosa. Hape olo Debata mangebati ( = mengindahkan, ayat 5). Ditalitalihon dope muse hamuliaon dohot hatongamon ( = kemuliaan dan hormat). Lapatanna asa sumuang muse rupa ni Debata na marmulia jala na marhatongamon i di diri ni jolma I (ayat 6). I ma burju dohot lambas ni roha ni Debata Parholong jala Parasiroha i.

4. Hahonaan ni turpuk:

· Goar ni Minggu: Quasimodogeniti ( = Songon posoposo…………….). Didok Jesus: ”Molo so mulak rohamu songon dakdanak, ndang habongotan hamu harajaon banuaginjang i”. Asa ias, bulus, tulus rohanta beribadah mamuji pasangap Tuhanta.

· Molo dipasuang Debata muse rupanta marmulia jala tongam,ala asi dohot lambas ni roha-Na do i tu hita.Marolopolop ma tondinta disi. Alani, unduk ma hita mangoloi HataNa.   Taradoti ma PatikNa/HataNa (Topik Minggu). Ndang be songon jolma na parjolo i, gabe talaosi muse patik ni Tuhan i.