Posted on 13 August 2010 by nuels
Bentrokan kembali terjadi antara jemaat gereja Huria Kristen Batak Protestan (HKBP) Pondok Timur Indah dengan organisasi kemasyarakatan (ormas) Islam pada hari Minggu (1/8) kemarin.
Sekitar 200 anggota ormas Islam mendatangi lokasi kebaktian jemaat gereja di lahan kosong Kampung Ciketing Asem, Kecamatan Mustika Jaya, Kota Bekasi, Jawa Barat, dan memaksa kebaktian dibubarkan karena tidak mengantongi izin. Namun, jemaat gereja bersikeras melanjutkan kebaktian dengan dipimpin oleh Pendeta Luspida. Sikap keras jemaat membuat ormas Islam marah dan memaksa jemaat gereja meninggalkan lokasi kebaktian. Continue reading →
Filed under: Kebaktian Sektor | Leave a comment »
Posted on 7 August 2010 by hkbpm
1 Petrus 3 : 8 – 12
oleh : Pdt. S.J. Lumban Gaol, STh
Mansai las do roha ni Apostel i ala nunga lam mangerbang barita na uli tu angka luat ni sipelebegu. Nunga marjongjongan angka huria di luat na dao. Lam ganda bilangan ni angka na porsea di Tuhan Jesus. Dihirim apostel i do asa gabe parbarita na uli nian angka ruas ni huria i di ganup ingananna be tu angka pangisi ni luat na humaliang, marhite parange nasida na denggan:“Asa marparange na denggan hamu di tongatonga ni halak parbegu (1 Pet.2:12) Lapatanna,parange na denggan i boi gabe jamita na mangolu jala na aktual tu humaliang. Continue reading →
Filed under: Kebaktian Sektor | Leave a comment »
Posted on 31 July 2010 by hkbpm
Jeremia 23 : 1 – 8
Oleh : Pdt. S.J. Lumban Gaol, STh
Namangula do si Jeremia uju di harajaon ni raja Josia,Joahas,Joyakim,Joyakin dohot Sedekia di Jerusalem-Juda.Tagan si Josia mangarajai di Jerusalem lomo ni roha ni Debata do diulahon , olo manangihon hata ni panurirang Jeremia. Alai dungkon si Joyakim(=Eliakim),Joyakin dohot Sedekia (=Matanya) ,sogo ni roha ni Debata do diulahon nasida jala ndang olo manangihon hata ni panurirang, gariada tahe dimusui . Alai ndang holan angka parhuaso na mangulahon sogo ni roha ni Debata,dohot do nang malim. Buktina,ditangkup malim Pashur do panurirang Jeremia , dipungkuli dungi dipamasuk muse tu hurungan (20:1-2). I ma jahat ni roha nasida (=raja dohot malim) tu naposo ni Debata. Ndang disadari nasida,mangulahon sogo ni roha ni Debata doshon na parohon torutoru do i tu diri ni bangso i sandiri. Continue reading →
Filed under: Kebaktian Sektor | Leave a comment »
Posted on 24 July 2010 by hkbpm
2 Musa 23 : 6 – 9
oleh Pdt. S.J. Lumban Gaol, STh
Manusia na primitip hian do jolma i na jolo. Alai nanget-nanget masa ma proses perobahan ala lam pistar jolma i marpingkir dohot marroha. Songon i ma satorusna sejarah peradaban manusia mengalami perkembangan na lam tu majuna hombar tu zamanna. Peradaban Mesir kuno nunga adong hira-hira di taon 3000 BC. Zaman Musa hira-hira di taon 1400 atau 1350 BC. Dung ruar halak Israel sian Misir, tugas na parjolo di si Musa ima, membentuk halak Israel,ndang sekedar kumpulan besar etnis, alai asa gabe sada bangso do, na berdiri sendiri, berdaulat, mapan dan kuat. Tutu ulaon na maol jala na dokdok do i, alai sebagai pemimpin atau “founding father”, ingkon marusaha do si Musa mewujudkan i . Ala Debata do mamillit Israel gabe bangsoNa, umbaen dilehon Debata Patik i tu si Musa sipasahatonna tu halak Israel. Patik i ma na gabe dasar, azas, alas, fundasi di dalam pembentukan berdirinya satu bangsa yang berdaulat. Tanpa i mustahil halak Israel boi jongjong gabe sada bangso. Asa hombar tu Patik i ma bangso i mardalan dohot manggulmit. Continue reading →
Filed under: Kebaktian Sektor | Leave a comment »
Posted on 17 July 2010 by hkbpm
Psalm 49:2-14
Oleh: Pdt. S.J. Lumban Gaol, STh
Digoari do turpuk on Ende sian angka anak ni si Kora . Si Kora ima sada sian angka malim na marhalado di bagasan joro ni Debata. Angka anak ni si Kora pe dohot do gabe parhobas . Diaturhon jala disagi si David do angka parhobas hombar tu bidangna be laho mangaradoti di bagasjoro. Adong do i na khusus mangaradoti parhinaloan dohot parendeon songon angka anak ni si Kora on. Tontu na malo do angka anak ni si Kora on mamalu parhinaloan dohot patomutomu ende. Godang do taida di buku Psalmen on : “Ende sian angka anak ni si Kora “, ima : Psl.42 – 49 , Ps .84-85. Ende on ndang holan sekedar ende sambing. Alai ende na marisi poda dohot sipaingot do on. Continue reading →
Filed under: Kebaktian Sektor | Leave a comment »
Posted on 10 July 2010 by hkbpm
2 Petrus 2:10 -15
oleh: Pdt. S.J. Lumban Gaol, STh
Molo tajaha Surat 1 Petrus , tangkas do hasahatanna ima angka huria na di Asia na metmet (Asia Kecil). Isina mangarahon angka halak Kristen na manjaha surat on asa hot marhaporseaon,benget jala sabar mangadopi penderitaan . Ia Surat 2 Petrus na sinurat ni Ap.Petrus on, ndang apala tangkas dipaboa tu ise ditujuhon. Holan on do didok :”……mandapothon angka naung manjalo haporseaon na arga rap dohot hami…. “(1:1). Lapatananna, hira rumang sijahaon na bersifat umum do. Isina: mangondolhon asa tongtong togu marsitiopan angka siihuthon Kristus tu poda dohot panindangion ni angka panurirang dohot apostel. Boasa diondolhon ap.Petrus i ? Ala nunga mulai tarida mullop angka parpoda haliluon (= nabi-nabi palsu dan guru-guru palsu). Gencar do nasida manghatahon hata sipaototo, manginsahi barita na uli i, manoadahon panobuson ni Tuhan Jesus. Continue reading →
Filed under: Kebaktian Sektor | Leave a comment »
Posted on 3 July 2010 by hkbpm
Poda 23:1-8
Oleh: Pdt. S.J. Lumban Gaol, S.Th
Dung bangkit raja si Salomo manggonti amana raja Daud,ndang dipangido ibana sian Debata hamoraon, huaso na balga, hosa ni musuna ,habonggalon dohot ganjang ni umur. Umbege pangidoanna i lomo ma roha ni Debata di ibana. Gabe dilehon ma roha bisuk, hapistaran dohot hapantason. Dilehon do nang hamoraon dohot hamuliaon atik pe ndang dohot dipangido raja Salomo i. Dipatuduhon raja i do basabasa hapistaran na jinalona i marhite na patupahon pangajarion, pamodaion tu angka anak ni bangsona Israel asa gabe bangso na maju jala marbungaran bangso i muse. Continue reading →
Filed under: Kebaktian Sektor | Leave a comment »
Posted on 25 June 2010 by hkbpm
Job 28:1-12
Pdt. S.J. Lumban Gaol, Sth
Si Job, sada halak na na daulat jala na burju huhut mabiar mida Debata. Ditubuhon do pitu anak dohot tolu boru.Keluarga na berbahagia do nasida. Tarbarita do si Job on na mora jong di luat i. Jotjot do keluarga on patupa panggalangon tu angka donganna sahuta. Hape tompu ma songgop sitaonon bolon: Mate sude ianakhonna,mago dohot artana. Si Job sandiri pe ingkon manaon parsahiton na posi,ingkon hundul dibagasan sirabun huhut mangkoisi dagingna na puruon i. Tragis do na masa i,ai suhar-suhar ni parngoluaon na salpu i ma nuaeng diahap. Na tabo hian gabe paet. Alai sude na masa i dibagasan pamotoan ni Debata do i. Continue reading →
Filed under: Kebaktian Sektor | Leave a comment »
Posted on 19 June 2010 by hkbpm
Parjamita 3:16-22
Oleh: Pdt. S.J. Lumbangaol, S.Th
Raja Salomo do na mangarang/manurat buku: Poda (Amsal), Parjamita (Pengkotbah) dohot Ende (Kidung Agung). Tarbarita do raja on ala ni habisuhonna, hapantasonna marroha dohot hapistaronna. Sahat do i nang tu angka luat na humaliangsa. Digurithon ibana do sude parbinotoanna i gabe buku sitiopon, bohal pangajaran. Dipahembang ma i muse asa gabe program kerja nyata siulahonon ni bangso Israel, dohot tujuan laho membentuk jatidiri bangsa asa gabe bangso na beradab, bermartabat, maju, marbungaran jala dihargai, dihormati, disegani angka bangso na humaliang. Continue reading →
Filed under: Kebaktian Sektor | Leave a comment »
Posted on 12 June 2010 by hkbpm
5 Musa 11 : 13 – 21
oleh : Pdt. S.J. Lumban Gaol, S.Th
Nunga hira mandonok bangso Israel tu tano Kanaan. Ndang diloas Debata si Musa manguluhon bangso i sahat tu Kanaan,si Josua nama gontina patolhashon. Sebelum memasuki Kanaan,songon pemimpin besar jala na bertanggungjawab,selalu do dipersiaphon si Musa bangso i dalam segala hal. Alai na terutama ima mangingothon: Asa marhabiaran tu Debata nasida,manghaholongi huhut mangoloi Ibana, mangaradoti tona-patik-aturan dohot uhumNa (jaha 5 Ms.10:12—-). I do na paling pokok manang intina. Molo burju bangso i mangulahon i pasti marhasonangan ngolu nasida. Tutu ma daion nasida muse di inganan na imbaru i kehidupan na berkelimpahan susu dohot situak ni loba (=hidup makmur,sentosa dan sejahtera). Continue reading →
Filed under: Kebaktian Sektor | Leave a comment »
Posted on 6 June 2010 by hkbpm
Jakobus 1 : 12 – 16
Oleh: Pdt. S. J. Lumban Gaol, S.Th
Ise do si Jakobus na manurat buku on? Naposo ni Debata dohot Tuhan Jesus Kristus do ibana (ay.1). Anggi ni Jesus sian ina nasida si Maria mangihuthon pardagingon.Sumber sejarah gereja muse paboahon: Ibana ma Uskup Agung na parjolo di Huria Jerusalem.Suratna on ditujuhon tu angka halak Kristen Jahudi na sampulu dua marga na berada di parserahan. Di abad parjolo di mula ni hararat ni Barita na Uli (Injil), mansai koras do hambatan,pangaleleon dohot pangunjunan diadopi angka parbarita na uli dohot huria i (warga jemaat Kristen). Alani i ma ubahen ringkot apoan jala pahehe semangat nasida asa tegar jala tongtong margogo mangadopi pangunjunan i. Continue reading →
Filed under: Kebaktian Sektor | Leave a comment »
Posted on 29 May 2010 by hkbpm
Turpuk Jamita: Ruth 1:1-6
Oleh: Pdt. S.J. Lumbangaol, S.Th
Barita taringot tu si Rut on barita na tutu masa do on uju i di zaman ni angka panguhum,ima dunghon disoluk/dikuasai halak Israel sepenuhnya tano Kanan (zaman ni angka panguhum on antara taon 1300 – 1050 BC). Di zaman ni angka panguhum on, tardok mansai sulit jala keras do situasi kondisi ombas i, mardomu ma i tu angka gangguan keamanan dohot paraloan na so marnamontok na diadopi halak Israel sian angka bangso na humaliang. Panghorhon ni keadaan na songon i, ditambai muse dohot factor-faktor na asing mambahen lam tu maolna jala tu susana parngoluon. Dipaboa disi, masa ma haleon potir (kelaparan) secara merata di tano Kanan (Israel). Akibat ni haleon potir i gabe memaksa sada keluarga Israel maninggalhon hutana bungkas tu tano Moab. Continue reading →
Filed under: Kebaktian Sektor | Leave a comment »
Posted on 22 May 2010 by hkbpm
Psalmen 57:1-4
Oleh: Pdt. S. J. Lumban Gaol, S.Th
Si Saul do Raja na parjolo sahali dung marrumang harajaon Israel.Ditolopi Debata do ibana bangkit raja marhite pamiahion ni si Samuel. Di angka taon mula-mula dung marhuaso ibana,dihalomohon Debata do pangarajaionna.Jotjotan do monang halak Israel maralohon angka bangso sekitar na sai mamusui Israel. Alai di laon-laon ni ari lam dao ma si Saul sian Debata. Debata sandiri pe ndang dihalomohon be raja Saul.Di na sopamotoan ni raja Saul disuru Debata ma si Samuel mamiahi si David gabe raja laho manggonti raja Saul muse. Dunghon ima sumurut Tondi ni Jahowa sian raja Saul,jala soluk ma tondi na jahat (1 Sam.16:14). Di keadaan pingkiran na guga i dohot roha na balisaon i, dijou si Saul ma si David asa marhalado di istana. Huhut ma muse disuru si David mamalu hasapina uju soluk tondi na jahat tu raja Saul. Continue reading →
Filed under: Kebaktian Sektor | Leave a comment »
Posted on 15 May 2010 by hkbpm
Turpuk Jamita: Heber 8:8-13
Oleh: Pdt. S. J. Lumbangaol, S. Th
Bindu ualu on manaringoti taringot tu hamalimon. Tohonan (jabatan) Malim, tohonan na sangat penting do perananna di halak Israel. Ulaon ni malim ima mamboan/manombahon pelean tu Debata, pasahathon tangiang pangondianon, mangalehon pasupasu sian Debata tu umat (huria).Suku Levi do dipabangkit gabe malim mangaradoti ulaon peribadatan mangihuthon tu naung pinatikhon ni si Musa. Alai sumurung do hamalimon ni Jesus Kristus sian angka Levi. Ai hamalimon ni Kristus mangihuthon horong ni si Melhisedek, Malim ni Debata na tumimbo, Raja ni huta Salem,na mamasumasu si Abraham nenekmoyang bangsa Israel. Malim Levi pardosa do jala dohot do ibana mangido hasesaan ni dosana di na pasahathon pelean pardosaon i.Alai Malim Jesus Kristus ndang mardosa, laos diriNa sandiri do dipasahat gabe pelean pardosaon tu Debata.Malim Levi ganup ari do pasahathon pelean,alai Malim Jesus sahali do i sahat ro di salelenglelengna. Continue reading →
Filed under: Kebaktian Sektor | Leave a comment »
Posted on 6 May 2010 by hkbpm
Turpuk Jamita: Psalmen 110 : 1 – 7
Digoari do turpuk on Ende sian si David. Ia rumang manang isina ima panurirangon taringot tu tohonan/jabatan raja dohot malim (imam) na diampehon Debata tu Mesias i. Molo didok panurirangon, na paboahon manang mangalumbahon angka aha ma na naeng masa tu angka ari na naeng ro. Holan Debata do na umbotosa, alai dipaboa ma i muse marhite angka naposoNa tu sihatoropan (masyarakat umum) asa mamoto jala asa adong pangaradeon. Panurirangon i ndang ramalan i, alai hatontuan na pasti masa do i di tingki na binuhul ni Debata. Adong do tolu tohonan ni Mesias i ima: Panurirang, Malim dohot Raja. Turpuk on manaringoti na mardomu tu tohonan Malim dohot Raja do. I ma nuaeng taida. Continue reading →
Filed under: Ayat Alkitab, Kebaktian Sektor | Tagged: 12, 2010, Jamita, Kebaktianm Sektor, Mei | Leave a comment »
Posted on 30 April 2010 by hkbpm
Pdt. S.J. Lumbangaol, S.Th
:: Nas Khotbah: I Timoteus 2 : 1 – 7
Sangajo do Apostel Paulus manongos surat on tu siseanna si Timoteus na ditugashon ibana mangula di Huta Epesus. Ulaon na borat do manghatindangkon barita na uli, manghobasi huria, marmahani biru-biru ni Debata. Alani i do umbaen sai diparbohali si Paulus siseanna on asa tau jala margogo mangula ulaon i. Tajaha di bindu sada i, angka ruhut sirodihonon, sipodahonon ni si Timoteus tu angka ruas ni huria i ima, asa tongtong nasida mabiar mida Debata, hot marhaporseaon, tutu ma dipaholang dirina sian angka tabiat/bangko haholomon i, ndang be berkiblat tu pudi tu na jolo i, alai mamandang tu jolo nama tu hatiuron i ima Kristus i. Continue reading →
Filed under: Kebaktian Sektor | Tagged: 5 Mei 2010, Jamita, Partangiang, Sektor | Leave a comment »
Posted on 23 April 2010 by hkbpm
Oleh: Pdt. S. J. Lumban Gaol, S.Th
:: Turpuk Jamita: Psalm 66:16
Digoari do turpuk on Ende sian si David, ala ibana do na patomutomuhonsa. Mansai bagas do panandaon (pengenalan rohani) ni si David di Debata Jahowa umbaen boi tangkas dipatorang ibana taringot tu kemahakuasaan ni Debata dohot angka pambahenanNa. Isara ni mananda jolma, ndang holan bohi dohot goarna i ditanda, alai dohot do nang roha parbagasanna. Manang mananda buku rupani, ndang holan lampak dohot daftar isina dijaha alai dohot do nang parbagasanna diboto. Songon i ma nang taringot tu Debata Jahowa; Marnida, manaksihon, manghilalahon, mangarajumi saluhut na binahenNa tu nasa jolma dohot tu sandok portibi on, ndang so tama marolopolop, marende, marsomba liat portibi on pasangaphon Ibana. Continue reading →
Filed under: Kebaktian Sektor, Khotbah | Leave a comment »
Posted on 16 April 2010 by hkbpm
Oleh: Pdt. S. J. Lumbangaol, S.Th
(Pendeta Resort HKBP Malang)
:: Nats Alkitab: Sepania 3:14-20
Panurirang Sepanya mangula hira-hira di abad pa pituhon andorang so Kristus (SM), hatiha raja Josia mangarajai di Harajaon Juda (Israel Selatan. Tardok satingki do ibana dohot pan Jeremia dohot pan Nahum. Tarbarita do raja Josia on Raja Reformator, ala habaranionna patupa haimbaruon total di Juda marhite na manutung/menghancurkan nasa ganaganaan dohot inganan pamelean tu sombaon sian tano Juda. Mewajibkan halak Israel asa mangaradoti patik, mulak marsomba tu Jahowa. Merayakan Paskah na so dung hea be dipestahon mulai sian tingki ni Panguhum (2 Raj. 22-23). I ma denganna parrohaon ni Raja Josia on na pola digoari raja na so adong tudosanna sian angka raja na di jolona dohot di pudina pe (2 Raj. 23:25). Alai atik pe naung adong haimbaruon i jala prosesna nunga mardalan di tongatonga ni halak Juda, alai ianggo pinsangpinsang dohot torutoru ni Debata ndang boi so mardalan, ima ingkon bolongkonon ni Debata Jerusalem dohot Bagasjoro i. Ala nunga sanga tung marsigorgor rimas ni Debata mida bangso i ala hajahaton ni raja Manasse (raja na di jolona/ompung ni raja Josia), na paloas angka parsombaonan tu ganaganaan. Continue reading →
Filed under: Kebaktian Sektor | Comments Off on Jamita Kebaktian Sektor Minggu Ke-3 Bulan April 2010
Posted on 10 April 2010 by hkbpm
Andung 3 : 22- 26
Panurirang Jeremia mangula hira-hira di abad papituhon andorang so Kristus,tingki raja Josia,Joyakim, Joyakin dohot Sedekia mangarajai di Israel Juda ombas i. Lam tangkang do pangalaho ni bangso i diida panurirang Jeremia ,tarmasuk angka parhuaso dohot malim. Gogo do dipinsang si Jeremia nasida asa muba.Molo ndang muba,paloason ni Debata ma halak parbegu mangago nasida dohot mangalengsehon huta Jerusalem.Alani i gabe ingkon manaon na hansit si Jeremia ;dipungkuli, dirante, dihurungkon,didabu tu godung na bagas na gok gambo. Tutu ma antong,ndang sadia leleng nari,ro ma harajaon Babel mangalotloti Jerusalem.Torop sian bangso i ditaban tu Babel,alai ianggo angka warga partoru na so margello ditebahon do.Sanga do pan.Jeremia dirante naeng ditawan,alai gabe dipalua komandan parangan ni Babel i do muse ibana tading di Jerusalem.
Continue reading →
Filed under: Kebaktian Sektor | Leave a comment »
Posted on 5 April 2010 by nuels
Download file format .doc Jamita Kebaktian Sektor Minggu Ke-1 April 2010
Oleh: Bapak Pdt. S. J. Lumbangaol, S.Th
(Versi Bhs Batak Toba)
Minggu Ke-1 April 2010
Turpuk Jamita: Psalm 8:3-7
Hatorangana:
Godang do sian angka ende na di buku Psalm on na pinatomutomu ni si David. Borhat sian pengalaman, panandaon, pangarajumion dohot pangongkuon na tangkas do umbaen digurithon ibana angka ende on. Ndada diri ni si David na dipaboaboa disi, tung Debata do dohot angka pambahenanNa na denggan i. Mansai balga jala timbo do pemujaan ni si David tu Debata. Holan Tuhan Jahowa do na sumangap, na tumimbul jala na marmulia situtu di sandok alam semesta on. Alani i tama ingkon pasangapon ni portibi on dohot sude pangisina Tuhan Debata Jahowa. Continue reading →
Filed under: Kebaktian Sektor, Khotbah | Tagged: Jamita Kebaktian Sektor Minggu Ke-1 April 2010 | Leave a comment »
Posted on 20 March 2010 by nuels
Download file dalam format .doc
Oleh: Bapak Pdt. S. J. Lumbangaol, S.Th
(Versi Bhs Batak Toba)
Minggu Ke-3 Maret 2010
Turpuk Jamita: Rom 3:21-26
Hatorangana:
Di halak Jahudi, patik (taurat) do dasor ni saluhut poda parugamoon. Patik do sintuhu ni peribadatan (parsombaon) tu Debata. Ala patik do dasor/sintuhuna, dibahen i ingkon ulahonon jala radotan nasida do i saburju-burjuna dohot sadenggan-dengganna, ai marhite i do nasida pintoran ni Debata asa dapotan haluaon. Hatontuan na tangkas do i na so sitawar-tawaron hatingkosanna. Songon i ma pangantusion ni si Paulus na jolo i tagan Parise dope ibana. Alai dungkon muba rohana bage siihuthon Kristus, diboto ma ndang tingkos hape pangantusionna i taringot tu fungsi dohot lapatan ni patik. Continue reading →
Filed under: Kebaktian Sektor, Khotbah | Leave a comment »
Posted on 8 March 2010 by nuels
Download file format pdf Renungan Kebaktian Sekotor Minggu I Maret 2010
Oleh: Bapak Pdt. S. J. Lumbangaol, S.Th
(Versi Bhs Batak Toba)
Minggu Ke-1 Maret 2010
Turpuk Jamita: II Korint 1:3-7
Hatorangan:
Andorang so tarjou si Paulus gabe siihuthon Tuhan Jesus, halak parise na fanatik bahkan ekstim do ibanan. Mansai jungkat jala late situtu do rohana tu halak karisten si ihuton Jesus. Dohot do ibana hatiha mamunu Diaken Stephanus (Ulaon Ni Apostel 7:58). Gogo do ibana manggaori jala mambahen parbadaan tu halak kristen na adong di Jerusalem. Dilelei, dipukpuhi dohot dihurungi ibana tung ise na dapotna angka halak na porsea di Jesus (Ulaon Ni Apostel 8:1-3). Borhat do ibana manguluhon pangaleleon tu halak Kristen tu luat na asing, rupani tu huta Damaskus, Syria. Disangkapi rohana ingkon siaphononna do sandok halak Kristen dohot pangajaran hakaristenon sian tano Israel dohot na humaliang na. Alai dung ditangkup Tuhan Jesus ibana andorang di pardalananna tu huta Damaskus, gabe muba total ma hadirionna, patu (tunduk) tu hagogoon dohot huaso ni Jesus. Dungkon i, gabe siihuthon Kristus na burju ma ibana jala gabe sada apostel na pararathon barita na uli. Continue reading →
Filed under: Kebaktian Sektor, Khotbah | Leave a comment »